“اطلاعاتو ته د لاسرسي کمېسيون ډېر وړل شوي وسايل ترلاسه شوي”

کابل (پژواک، ٢٢ کب ١٤٠٠): اطلاعاتو ته د لاسرسي کمېسيون رييس وايي چې د دغه کمېسيون يو شمېر وسايل د خلکو  او پخوانيو کارکوونکو له لوري وړل شوي خو ځيني يې بېرته ترلاسه شوي دي.

اطلاعاتو ته د لاسرسي کمېسيون رييس مولوي هدايت الله هدايت د کب په ٢٢مه پژواک خبري اژانس ته د يوې ځانګړې مرکې په ترڅ کې وويل چې له تحول وروسته د دغه کمېسيون ځیني وسايل د خلکو، پخوانيو کارکوونکو او مجاهدينو له لوري وړل شوي دي.

دى وايي چې له مجاهدينو او حاضرو کارکوونکو وسايل بېرته ترلاسه شوي خو د کمېسيون هغه کارکوونکي چې له هېواد بهر تللي، له هغوی سره اوس هم وسايل پاتې دي.

هغه زياته کړه: ((مجاهدینو یواځې موټر د ساتنې په موخه بیولي وو چې بېرته ترې لاسه شوي او د کمېسيون ځيني نور موټر بيا بل ځاى ته انتقال شوي چې ډېر يې بېرته راټول شوي خو يواځې دوه موټر يې پاتې دي چې هغه هم په بل ولايت کې دي چې سبا بله ورځ به راوړل شي.))

login or register a new account.