کابل (پژواک، ٢٥ کب ۱۴۰۰): د افغانستان د خبریالانو مرکز د پژواک د خبریال په ګډون څلور کسان د کال غوره خبریالانو په توګه اعلان کړل.
د افغان خبریالانو ټولنې له خوا نن کابل کې په دې اړه جوړو شوو مراسمو کې د دې ټولنې مرستیال فرهاد بهروز وویل، د دغه مرکز له خوا څلور کسان د کال غوره خبریالانو په توګه انتخاب شوي دي.
هغه وویل، په دې څلورو کسانو کې د پژواک خبریال قطب الدین کوهي، د طلوع نیوز خبریال صداقت غورځنګ، د هشت صبح خبریالان حسیب الله بهش او د فرانسې خبري اژانس خبریال عارف کریمي شامل دي.
د افغان خبریالانو د مرکز له خوا یادو څلورو خبریالانو ته د کال د غوره خبریالانو جایزه ورکړل شوه.
د یادونې وړ ده چې د افغانستان د کال د غوره خبریالانو رقابتي پروګرام په ۱۳۹۲ کال کې پیل شوی دی.
Views: 41
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن