کابل (پژواک، ۲۷ کب ۱۴۰۰): د افغانستان لپاره د امریکا متحده ایالتونو شارژدافیر په دغه هېواد کې د ملګرو ملتونو د سیاسي استازولۍ (یوناما) ماموریت د غځېدو هرکلی کړی دی.
تېره ورځ د ملګرو ملتونو امنیت شورا یو پرېکړه لیک منظور کړ چې له مخې یې په افغانستان کې د دغه سازمان ماموریت د یو بل کال لپاره تمدید شو.
د افغانستان لپاره د امریکا متحده ایالتونو سفارت شارژدافیر ایان مککري پر خپله ټويټرپاڼه لیکلي: «زه د امنیت شورا د نوي فرمان د تصویب هرکلی کوم؛ امنیت شورا تېره ورځ یو مهم ګام پورته کړ، په افغانستان کې یې د ملګرو ملتونو د کار د اهمیت پر دوام باندې ټینګار وکړ؛ ځکه دغه هېواد اوس مهال له یو مهم جریانه د تېرېدو په حال کې دی.»
د ملګرو ملتونو امنیت شورا همدارنګه له افغانستان سره په داسې حال کې د خپلو سیاسي اړیکو ساتلو لپاره رایه ورکړه چې طالبان څه باندې ۶ میاشتې کېږي واک ته رسېدلي خو تر اوسه هيڅ یو هېواد یا سازمان پر رسمیت نه دي پېژندلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن