کابل (پژواک، ۱۴ وروغتون ری ۱۴۰۱): د ایمرجنسي روغتون وایي، د کابل ښار شهزاده سرای کې د لاسي بم چاودنه کې لسګونه کسان ټپیان شوي، خو د کابل امنیه قومانداني وایي چې په دغه برید کې یو کس وژل شوی او لس نور ټپیان دي.
د کورنیو چارو وزارت د معلوماتو له مخې، په کابل کې د اسعارو تر ټولو په ستر مارکېټ شهزاده سرای کې یوه کس د غلا په موخه لاسي بم غورځولی او لس کسان یې سرسري ټپیان کړي دي.
دغه برید نن له غرمې مخکې شاوخوا لس بجې وشو.
ایمرجنسي روغتون پر خپله ټویټرپاڼه لیکلي چې له یادې چاودنې ۵۷ ټپیان دغه روغتون ته وړوړل شوي او له دې ډلې روغتون دېرش کسان منلي دي.
خو د کابل امنیې قوماندانۍ ویاند خالد ځدراڼ وایي، یاد سرای ته د لاسي بم ورځولو له امله یوه کس ژوند له لاسه ورکړی او لس نور ټپیان دي.
هغه وایي، کېدای شي ایمرجنسي روغتون ته ځینو هغو کسانو هم مراجعه کړې وي چې د پېښې پر مهال په منډو او ګڼه ګوڼه کې سرسري ټپیان شوي دي.
غړيYou need to subscribe to view the full article. Please login or register a new account.
