کابل (پژواک، ۱۷ وری ۱۴۰۱): د ایمرجنسي روغتون مسوولین وایي، د کابل ښار په پل خشتي جومات کې د لاسي بم چاودنه کې ۱۱ کسان ټپیان شوي؛ خو د کابل امنیه قومانداني بیا په دغه برید کې د شپږو کسانو د ټپي کېدو خبر ورکوي.
د کابل امنيه قوماندانۍ د معلوماتو له مخې، نن ماسپښين مهال د پل خشتي جومات پر لمونځ کوونکو د یوه کس له لوري د لاسي بم برید شوی چې له امله يې شپږ تنه ټپيان شوي دي.
سرچينه زياتوي، د پېښې پرمهال یو شکمن کس نيول شوی او تر څېړنو لاندې دی.
خو ایمرجنسي روغتون پر خپلې ټویټرپاڼې لیکلي چې له یادې چاودنې ۱۱ تنه ټپیان دغه روغتون ته ور وړل شوي دي.
سرچینه لیکي، د ټپیانو له ډلې روغتون کې اوه تنه بستر شوي او څلور نور تر بېړنۍ درملنې وروسته رخصت شوي دي.
دا لومړی ځل دی چې په پل خشتي جومات کې دغه ډول پېښه رامنځ ته کېږي. دې لرغوني او تاریخي جومات ته ګڼ شمېر کسان د لمانځه لپاره ورځي.
د یاد برید مسولیت تراوسه چا پر غاړه نه دی اخیستی.
غړيYou need to subscribe to view the full article. Please login or register a new account.
