<p style="text-align: justify;">[restrict paid="true"]</p>
<p style="text-align: justify;">اټلانټا (پژواک، ۶ غویی ۱۴۰۱): په داسې حال کې چې د اوکراین پر ځینو ښارونو د روسیې بریدونه ډېر شوي، د امریکا د دفاع او بهرنیو چارو وزیران د اوکراین پلازمینې کیف ته سفر کړی دی.</p>
<p style="text-align: justify;">د امریکا د بهرنیو چارو وزارت لخوا په یوه خپره شوې خبرپاڼه کې راغلي چې له دې سفر څخه موخه له اوکراین سره د امریکا یووالی او د همکاریو ډاډ ورکول دي.</p>
<p style="text-align: justify;">سرچینې زیاته کړې چې دغه راز د دې سفر پر مهال کیف ته د امریکایي ډیپلوماتو د بېرته تګ او اوکراین لپاره د امریکا د نوي سفیر پر ټاکلو هم خبرې شوې دي.</p>
<p style="text-align: justify;">په خبرپاڼه کې راغلي، کیف ته د لوړ پوړو چارواکو سفر اوکراین سره د امریکا دوامداره ژمنتیا په ډاګه کوي.</p>
<p style="text-align: justify;">د امریکا د دفاع وزیر لویډ اسټن په کیف کې د اوکراین ولسمشر ولادیمیر زیلنسکي سره له لیدنې وروسته خبریالانو ته ویلي، په اوکراین کې روسیې ته اوښتي زیانونه به د دغه هېواد مشرتابه به یو ځل بیا له دا ډول کړنو څخه منع کړي.</p>
<p style="text-align: justify;">هغه زیاته کړې، که اوس هم له اوکراین سره مناسبه مرسته وشي، نو دا جګړه ګټلې شي. اسټن په دې جګړه کې د اوکرایني ځواکونو هڅې وستایلې.</p>
<p style="text-align: justify;">د امریکا دفاع وزیر ویلي : «موږ روسیه دومره کمروزې لیدل غواړو چې هغه بیا پر اوکراین د برید په څېر د نورو بریدونو هڅه ونه کړي.»</p>
<p style="text-align: justify;">اسټن اعلان وکړ، چې امریکا اوکراین او ۱۵ نورو هېوادونو ته چې د روسیې له ګواښ سره مخ دي، تر ۷۰۰ میلیونو ډالرو نوره نظامي مرسته کوي.</p>
<p style="text-align: justify;">د هغه په وینا، د جګړې له پیل راهیسې امریکا اوکراین سره د ۳،۷ میلیارده ډالرو مرسته کړې ده.</p>
<p style="text-align: justify;">د امریکا د بهرنیو چارو وزیر انټوني بلینکن وویل چې کیف ته د امریکایي ډیپلوماتانو ستنېدلو سره به له دغه هېواد سره د امریکا او نورو هېوادونو بشري مرستې زیاتې شي.</p>
[/restrict]
<p style="text-align: justify;"></p>
<div class="bbc-4wucq3 e57qer20" dir="rtl">
<p class="bbc-1sy09mr e1cc2ql70" dir="rtl"></p>
</div>
