[restrict paid="true"]
ښرنه (پژواک، ۱۶ غویی ۱۴۰۱): د کورنیو چارو وزارت وایي، امنیتي ځواکونو په پکتیکا کې یو اته کلن ماشوم د انسان تښتوونکو له منګولو ژغورلی دی.
دغه مطلب ياد شوي وزارت په خپله ټویټرپاڼه کې څرګند کړی.
سرچينې د جزیاتو له ورکولو پرته لیکلي چې دغه ماشوم د پکتیکا ولایت مرکز ښرنه کې د یو لړ عملیاتو پر مهال ژغورل شوی دی.
د کورنيو چارو وزارت وايي، تراوسه په دې تړاو څوک نه دي نیول شوي؛ خو امنیتي ځواکونه د دې پېښې د عاملینو د نیولو په لټه کې دي.
[/restrict]
