د کابل ښار پنځمې ناحیې یوه جومات کې چاودنه شوې ده

<p style="text-align: justify;">[restrict paid="true"]

کابل (پژواک، ۲۳ غويی ۱۴۰۱): د کابل ښار د ۵مې امنيتي حوزې اړوند د قمبر څلورلارې سیمې په يوه جومات کې چاودنې درې کسان ټپيان کړي دي.</p>

<p style="text-align: justify;">د کابل امنیې قوماندانۍ وياند خالد ځدراڼ پژواک خبري اژانس ته وویل، نن د جمعې لمانځه اداء کولو پر مهال د کابل ۵مې امنیتي حوزې اړوند د ایوب صابر جومات کې چاودنه شوې ده.</p>

<p style="text-align: justify;">هغه زياتوي، د لومړنیو معلوماتو له مخې، په چاودنه کې درې کسان ټپیان شوي دي.</p>

<p style="text-align: justify;">د ده په خبره چې امنیتي کسان سیمې ته رسېدلي او د پېښې په اړه پلټنې روانې دي.</p>

<p style="text-align: justify;">تر دې مهاله د چاودنې مسووليت چا پر غاړه نه دی اخيستی.</p>

<p style="text-align: justify;">د پېښې بشپړ جزئیات به وروسته خپاره شي...</p>

<p style="text-align: justify;">[/restrict]</p>