<p style="text-align: justify;">مزارشریف (پژواک، ۲۲ غبرګولی ۱۴۰۱): د بلخ مرکز مزارشریف ښار کې د هوايي ډګر پر تخنيکي کارکوونکو وسلهوال بريد شوی چې دوه کسان پکې وژل شوي او شپږ نور ټپيان شوي دي.</p>
<p style="text-align: justify;">د بلخ د امنیې قوماندانۍ ویاند محمداصف وزیري د غبرګولي په ٢٢ مه پژواک خبري اژانس ته وويل، نن له غرمې وروسته شاوخوا ۳ بجې د بلخ ولايت د هوايي ډګر د تخنيکي کارکوونکو پر کاسټر موټر وسلهوال بريد شوى دى.</p>
<p style="text-align: justify;">هغه وايي، په دغه بريد کې د يادې ادارې دوه تخنيکي کارکوونکي وژل شوي او شپږ نور ټپيان دي.</p>
<p style="text-align: justify;">ده وويل چې دغه بريد د مزارشریف ښار د لسمې ناحيې په مربوطاتو کې شوى او وسلهوال له سيمې تښتېدلي دي.</p>
<p style="text-align: justify;">نوموړى زياتوي، د پېښې د عاملينو د موندلو په موخه جدي هلې ځلې پيل شوې دي.</p>
<p style="text-align: justify;">د يادونې ده، نن په کندوز، بدخشان او کونړ ولايتونو کې هم چاودنې شوې چې يو شمېر کسانو ته پکې مرګ ژوبله اوښتې ده.</p>
