<p style="text-align: justify;">کابل (پژواک، ۸ چنګاښ ۱۴۰۱): د بهرنیو چارو وزارت مسوولین وايي، د دغه وزارت سرپرست د یوه لوړپوړي پلاوي په مشرۍ قطر ته تللی دی.</p>
<p style="text-align: justify;">د بهرنیو چارو وزارت مرستیال ویاند ضیاءاحمد تکل په یوه ټویټ کې لیکلي چې د بهرنیو چارو وزارت سرپرست مولوي امیرخان متقي، د مالیې وزارت او مرکزي بانک د مسوولانو په ګډون د یوه لوړپوړي پلاوي په مشرۍ قطر ته سفر کړی دی.</p>
<p style="text-align: justify;">سرچینې لیکلي، د دغه پلاوي غړي به په قطر کې د امریکا متحده ایالتونو له ځانګړي استازي او د هغه هېواد د مالیې وزارت له مسوولانو سره وویني او پر اقتصادي، بانکي او سیاسي مسایلو به بحث او خبرې اترې وکړي.</p>
