هرات ښار (پژواک، ۱۱ وږی ۱۴۰۱): د هرات چارواکي وايي، د دغه ولایت په ګازرګاه جومات کې د چاودنې له امله د جومات د خطیب مولوي مجیبالرحمن انصاري په ګډون ۱۸ کسان وژل شوي او ۲۳ ټپيان دي.
د هرات د والي ویاند حمیدالله متوکل، پژواک خبري اژانس ته وویل چې دغه چاودنه نن غرمه شاوخوا ۱۲ بجې د ګازرګاه جامع جومات په دروازه کې شوې ده.
ده زياته کړه، په دې پېښه کې د ګازرګاه جومات خطیب مولوي مجیبالرحمن انصاري، د هغه ورور حبیبالرحمن انصاري او ۱۸ نور کسان وژل شوي او ۲۳ نور ژوبل دي.
د يادولو ده چې نن په هرات کې د ریاستالوزراء اقتصادي مرستیال ملا عبدالغني برادر په ګډون اقتصادي ناسته جوړه شوې وه چې مولوي انصاري هم په کې موجود و؛ نوموړی د غونډې په جریان کې د جمعې لمانځه او امامت په خاطر راوتلی او له يادې پېښې سره مخ شو.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن