کابل (پژواک، ۱ تله ۱۴۰۱): د کورنيو چارو وزارت وايي، د کابل ښار د ۶مې امنیتي حوزې اړوند سيمه کې يې یو کس د ۱۱۵ زره امریکایي ډالرو په ارزښت د ۱۰.۵ کیلوګرامه قېمتي ډبرو د قاچاق په تور نیولی دی.
د کورنيو چارو وزارت له اداري فساد او درنو جرمونو سره د مبارزې ریاست په خبرپاڼه کې راغلي، دغه کس چې د دایکنډي ولایت اصلي اوسېدونکی دی، تېره ورځ له غرمې وروسته د کابل ښار د ۶مې امنیتي حوزې اړوند په حاجي نبي ښارګوټي کې د امنیتي ځواکونو له خوا نیول شوی دی.
سرچينه زياتوي، دغه کس له ۱۰.۵ کیلوګرامه قېمتي ډبرو سره لاس په لاس ونیول شو چې غوښتل یې پر یو چا یې په ۱۱۵ زره امریکایي ډالره وپلوري.
د سرچينې د معلوماتو له مخې، نیول شوي کس دا ډبرې له تخار ولایت څخه کابل ته راوړې وې او له ډېرې مودې د کشفي مدیریت تر څار لاندې و.
Visits: 679
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن