کابل (پژواک، ۶ تله ۱۴۰۱): د افغانستان د صنعت او سوداګرۍ وزارت له روسیې څخه افغانستان ته د تېلو، ګازو او غنمو واردولو د هوکړې له لاسلیکولو خبر ورکړی دی.
د افغانستان د صنعت او سوداګرۍ وزارت ویاند عبدالسلام جواد پژواک ته وویل، د دغه وزارت او روسیې ترمنځ د تېلو، اوبلن ګازو او غنمو د وارداتو هوکړهلیک، مسکو ته د صنعت او سوداګرۍ وزارت سرپرست نورالدین عزیزي په وروستي سفر کې لاسلیک شوی و.
هغه زیاتوي: «دغه هوکړه یوه میاشت مخکې کله چې د صنعت او سوداګرۍ وزیر صاحب روسیې ته تللی و، ترسره شوې او زموږ تخنیکي ټیم تر اوسه پر جزئیاتو کار کاوه چې بشپړ شول او له ختمېدو وروسته انشاءالله د توکو لېږد پیلېږي.»
د هغه په وینا، په کال کې د دوه میلیون ټن تېلو، پنځه سوه زره ټن ګازو او دوه میلیون ټن غنمو پېرېدل په دغه هوکړهلیک کې شامل دي.
نوموړي زیاته کړه: «تر اوسه یاد توکي په موټرو کې نه دي بار شوي او ډېر ژر به یې د رېلګاډي او ټيلري موټرونو په وسیله د لېږد پروسه پیل شي.»
هغه زیاته کړه، دغه هوکړهلیک ازمایښتي دی.
د صنعت او سوداګرۍ ویاند په دې اړه پژواک ته وویل، په کابل ښار کې د نفتي توکو بیې رالوېدلې او ښايي په نږدې راتلونکې کې یې بیې نورې هم راټيټي شي.
جواد وویل: «د نفتي توکو بیې ځکه رالوېدلې چې په نړۍوال بازار کې یې بیې راټيټې شوې دي؛ بل دا چې د تېلو واردات ډېر شوي او دغهراز دا چې تقاضا شوې نو په راتلونکو ورځو کې به له دې نه هم بیې ډېرې راولوېږي.»
دا په داسې حال کې ده چې تېره ورځ تېلپلورونکو پژواک ته وویل، د نفتي توکو بیې د هغو د وارداتو ډېرېدو له امله رالوېدلې دي.
غړيYou need to subscribe to view the full article. Please login or register a new account.
