کابل (پژواک، ۱۱ لړم ۱۴۰۱): د استخباراتو ریاست وایي، د کابل ښار بګرامیو ولسوالۍ کې د یو لړ عملیاتو په ترڅ کې دوه انسان تښتوونکي وژل شوي، دوه نور نیول شوي او یو صراف یې له بنده ژغورل شوی دی.
د استخباراتو ریاست د یادو څرګندونو ترڅنګ پر خپله ټوېټرپاڼه لیکلي چې یاد عملیات د دغه ریاست ځواکونو د کابل ولایت د بګرامیو ولسوالۍ په مربوطاتو کې کړي دي.
سرچینې لیکلي چې د عملیاتو په ترڅ کې د محمدجاوېد په نوم یو صراف چې شاوخوا یوه میاشت مخکې اختطاف شوی و، د تښتوونکو له بنده راخوشی شوی دی.
