اټلانټا (پژواک، ۲۰ لړم ۱۴۰۱): هندوستان په افغانستان کې د یوه داسې ټولګډونه حکومت پر جوړېدو ټینګار کړی چې د لږکیو په ګډون د ټولو حقونه پکې خوندي وي او له ترهګرۍ او نشهیي توکو سره مقابله وکړی شي.
دغه څرګندونې په ملګرو ملتونو کې د هندوستان استازي رویندرا تېره شپه د ملګرو ملتونو د ۷۶مې کلنۍ غونډې پر مهال د افغانستان په تړاو ځانګړې ناستې ته کړې دي.
هغه زیاته کړې چې له افغانستان سره تاریخي او د ملګرتیا اړیکې لري او په دغه هېواد کې د بشري بحران له امله یې هېواد اندېښمن دی.
د هند استازي ویلي چې هېواد یې له افغانستان سره د بشري مرستو په لړ کې درمل او نور خوراکي توکي لېږلي دي.
نوموړي په افغانستان کې د یوه داسې ټولګډونه حکومت پر جوړېدو ټینګار کړی چې د لږکیو په ګډون د ټولو حقونه پکې خوندي وي او له ترهګرۍ او نشهیي توکو سره مقابله وکړلای شي.
روېندرا وایي، هېواد یې د افغانستان امنیتي حالت له نږدې څخه څاري او په اړه یې له نړۍوالې ټولنې سره له نږدې په اړیکو کې دی.
هغه ټینګار وکړ چې د افغانستان خاوره باید د ترهګریزو فعالیتونو لپاره ونه کارول شي .
د هند استازي د افغانستان پر ښوونیزو، مذهبي مرکزونو او په ځانګړې توګه د لږکیو پر ځایونو بریدونه د اندېښنې وړ وباله.
د افغانستان سرپرست حکومت تر اوسه د نوموړي د څرګندونو په اړه څه نه دي ویلي، خو تر دې مخکې یې ویلي چې په افغانستان کې ترهګرې ډلې نشته او د دوی مشر د نشهیي توکو پر کرکیلې بندېز لګولی دی.
غړيYou need to subscribe to view the full article. Please login or register a new account.
