اټلانټا (پژواک، ۲۰ لړم ۱۴۰۱): د ډیورند پولې ته څېرمه د خېبر پښتونخوا ایالت په شمالي وزیرستان کې د پاکستان پر پوځ ځانمرګی برید شوی چې له امله یې یو شمېر سرتېري ټپیان شوي دي.
د راپورونو له مخې، په شمالي وزیرستان کې سږ کال دا اووم ځانمرګی برید دی چې پر پاکستاني پوځیانو کېږي.
امنيتي چارواکو او پوليسو ويلي، دا تازه ځانمرګی برید تېر ماښام د شمالي وزیرستان د میر علي تحصیل په نورک سیمه کې شوی دی.
د شمالي وزيرستان د پوليسو دفتر ويلي چې د برید موخه د پوځ یو موټر و چې له امله یې درې سرتېري ټپیان شوي دي.
د پاکستان پوځ په دې اړه تر دې مهاله څه نه دي ویلي، خو په سیمه کې يوه امنیتي چارواکي وویل چې ځانمرګي بریدګر له چاودېدونکو توکو ډک خپل موټرسایکل په سیمه کې د پوځ له یوه موټر سره جنګولی چې له امله یې چاودنه رامنځته شوې ده.
Visits: 383
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن