<p style="text-align: justify;">[restrict paid="true"]</p>
<p style="text-align: justify;">اټلانټا (پژواک، ۲ سلواغه ۱۴۰۱): د لوړو زدهکړو وزارت سرپرست مولوي نداءمحمد ندیم په افغانستان کې د پاکستان له سرپرست سفیر سیفالله خان سره وکتل.</p>
<p style="text-align: justify;">د یاد وزارت له خوا په خپره شوې خبرپاڼه کې راغلي، د لوړو زدهکړو سرپرست وزیر په دې لیدنه کې افغانستان او پاکستان هغه دوه ګاونډي هېوادونه وبلل چې له دیني او کلتوري پلوه ډېر مشترکات لري.</p>
<p style="text-align: justify;">نوموړي د دواړو هېوادونو ترمنځ پر ښو تحصیلي اړیکو لرلو او له یو بل سره د علمي او څېړنیزو تجربو پر شریکولو ټینګار وکړ.</p>
<p style="text-align: justify;">دغهراز د لوړو زدهکړو سرپرست وزیر مولوي نداءمحمد ندیم د پاکستان له سرپرست سفیر څخه وغوښتل چې په دغه هېواد کې د افغان محصلینو ستونزې حل کړي او لا ډېرو محصلینو ته د بورسونو ورکړې په برخه کې همکاري وکړي.</p>
<p style="text-align: justify;">په کابل کې د پاکستان سرپرست سفیر سیفالله خان په خپل هېواد کې د افغان محصلینو د ستونزو هواري ډاډ ورکړ او په افغانستان کې یې د پاکستاني محصلینو د ستونزو د حل غوښتنه وکړه چې د لوړو زدهکړو سرپرست وزیر له لوري د پوره همکارۍ ډاډ ورکړل شو.</p>
<p style="text-align: justify;">د یادونې ده، په دغه لیدنه کې دواړو اړخونو پر غوره تحصیلي اړیکو جوړولو، د محصلینو د وېزو په برخه کې اسانتیاوو رامنځته کولو او د علمي تجربو پر شریکولو خبرې وکړې.</p>
<p style="text-align: justify;">[/restrict]</p>
