کابل (پژواک، ۵ کب ۱۴۰۱): د افغانستان د لویې څارنوالۍ سرپرست مولوي شمسالدین شریعتي په مشرۍ یوه پلاوي په ایران کې د افغان بندیانو د موضوع څېړلو په موخه دغه هېواد ته سفر وکړ.
د حکومت د رسنیو مرکز مشر انعامالله سمنګاني په خپل ټوېټرپاڼه کې لیکلي چې دغه افغان پلاوي په ایران کې د افغان بندیانو د موضوع او هېواد ته یې د لېږد پروسې اړوند مسایلو څېړلو په موخه سفر وکړ.
هغه په دې اړه نور جزییات نه دي ورکړي.
د سمنګاني د معلوماتو له مخې، په یاد پلاوي کې د زندانونو چارو لوی رییس، د بهرنیو چارو وزارت د کونسلي چارو رییس او یو شمېر نور چارواکي شامل دي.
