بامیان (پژواک، ۲۸ کب ۱۴۰۱): د کرنې وزارت تخنیکي او مسلکي مرستیال بامیان ته د سفر په ترڅ کې ویلي، د دغه ولایت د کرنې برخې ودې لپاره په ۱۴۰۲ کال کې ۳۳۴ میلیون افغانۍ ځانګړې کېږي.
د کرنې، اوبولګونې او مالدارۍ وزارت تخنیکي او مسلکي معین مولوي صدراعظم پرون مازیګر بامیان ته ولاړ.
هغه د خپل سفر موخه په یاد ولایت کې له بزګرو او کرنې ملاتړ بللی دی.
نوموړي د مسوولینو او رسنیو په حضور کې وویل: «د کرنې وزارت له خپلو کوپراتیفي پیسو د بامیان ولایت د کرنیزو محصولاتو ودې او بهبود لپاره ۳۳۴ میلیون افغانۍ ځانګړې کوي.»
هغه دغهراز ټینګار وکړ چې افغانستان یو کرنیز هېواد دی او له همدې امله د کرنې وزارت هڅه کوي چې د هېواد په کچه له کروندګرو ملاتړ وشي څو افغانستان د کرنیزو تولیداتو له پلوه پر ځان بسیا شي.
همداراز د بامیان والي مولوي عبدالله سرحدي هم د کرنې پر ودې او له بزګرو پر ملاتړ ټينګار وکړ.
هغه زیاته کړه، که د بامیان کرنه او مالداري پیاوړې شي، نو په دغه ولایت کې به د کار زمینه برابره شي او اقتصاد به وده وکړي.
د کرنې، اوبولګونې او مالدارۍ وزارت د پراختیا صندوق رییس مولوي عبدالغفور غفاري هم د کروندګرو د ملاتړ او د کرنیزو محصولاتو ودې په اړه خبرې وکړې.
نوموړي وویل، د یادو پیسو یوه برخه چې د بامیان د کرنې برخې پیاوړتیا او ښهوالي ته ځانګړې کېږي، د کیمیاوي سرې او اصلاح شوي تخم پېرلو لپاره به مصرفېږي او بیا به دغه کرنیز توکي پر ۲۲۲۵ کروندګرو ووېشل شي.
غړيYou need to subscribe to view the full article. Please login or register a new account.










