کلات (پژواک، ۱ وری ۱۴۰۲): د زابل امنیتي چارواکي وايي، د دغه ولایت په نوبهار ولسوالۍ کې یو ماشوم وژل شوی او وروسته یې جسد ته اور اچول شوی چې په تور یې یو کس نیول شوی دی.
د دغه ولایت د امنیې قوماندانۍ ویاند ذبیح الله جوهر پژواک خبري اژانس ته وویل، د میرزا خان په نوم دغه ماشوم چې شاوخوا ۱۴ کاله عمر لري، د نوبهار ولسوالۍ د جمعیت کلي اوسېدونکی دی.
هغه زیاته کړه، د دوی د لومړیو پلټنو له مخې دغه ماشوم پرون د زین الله په نوم یوه کس- چې د غزني د ناوې ولسوالۍ اوسېدونکی دی- له لوري له هغه وروسته وژل شوی چې له ماشوم څخه یې د جنسي اړیکو غوښتنه کړې وه خو هغه نه وه منلې.
دی وايي، دغه کس یې نیولی، پر خپل جرم یې اعتراف کړی او ویلی یې دي چې ماشوم یې په خپه وژلی او وروسته یې د هغه جسد ته اور اچولی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن