ستانکزی: د علم دروازې باید د ښځو په ګډون د هېچا پر مخ ونه تړل شي

<p style="text-align: justify;">[restrict paid="true"]</p>

<p style="text-align: justify;">اټلانټا (پژواک، ۹ وری ۱۴۰۲): د افغانستان اسلامي امارت د بهرنیو چارو وزارت مرستیال شېرمحمد عباس ستانکزي ویلي چې د علم دروازې باید د ښځو په ګډون د هېچا پر مخ ونه تړل شي.</p>

<p style="text-align: justify;">نوموړي دا څرګندونې د متحده عربي اماراتو په دوبۍ ښار کې د افغانستان له کونسلګرۍ څخه د لیدنې پر مهال کړې دي.</p>

<p style="text-align: justify;">هغه زیاته کړې: «په علم کې د دیني او دنیاوي علم ترمنځ توپیر نشته، ټول همدغه یو علم دی چې د دین د تقویې لپاره هم اړین دي.»</p>

<p style="text-align: justify;">په دوبۍ کې د افغانستان کونسلګري تېره اوونۍ سرپرست حکومت ته په رسمي ډول وسپارل شوه او حکومت خپل استازی هم ور استولی دی.</p>

<p style="text-align: justify;">ستانکزی وايي، دی او ملګري یې هڅه کوي چې د زده‌کړو دروازې د نجونو او هلکانو پر مخ پرانیستل شي.</p>

<p style="text-align: justify;">د نوموړي په وینا، په همدې لړ کې یې د امارت له مشرتابه سره تل خبرې کړې او په خبره یې چې د نجونو پر مخ د تعلیمی مرکزونو تړلو پرېکړه لنډمهالې ده.</p>

<p style="text-align: justify;">که څه هم عباس ستانکزي مخکې هم د نجونو د زده‌کړو په تړاو داسې څرګندونې کړې، خو د ده په ګډون د سرپرست حکومت مشران خپله دا پرېکړه موقتي بولي او وايي، د شریعت په چوکاټ کې د نجونو لپاره د زده‌کړو مخالف نه دي.</p>

<p style="text-align: justify;">[/restrict]</p>