مزارشریف (پژواک، ۲۰ وری ۱۴۰۲): د بلخ امنیتي مسوولین وایي، د دغه ولایت په څو ولسوالیو کې یې پر ۲۰ جریب ځمکه کرل شوي کوکنار اړولي او هم یې ۳ کسان د نشهيي توکو د تولید او پلور په تور نیولي دي.
د بلخ امنیه قوماندانۍ په خبرپاڼه کې راغلي، د صادر شوي فرمان پر بنسټ د دغې ادارې د نشهيي توکو پر وړاندې د مبارزې مدیریت تېره
یوه اونۍ د دغه ولایت په کشنده، دولتاباد، بلخ، چهاربولک او چمتال ولسوالیو کې شل جریب ځمکه د کوکنارو له کښته پاکه کړې ده.
یادې قوماندانۍ په یوې بلې خبرپاڼه کې د نشهيي توکو د تولید او پلور په تور د ۳ کسانو له نیولو هم خبر ورکړی دی.
سرچينه زياتوي، له نیول شوو کسانو څخه ۱۶۰۳ قرصه ټابلیټ کا، د ټابلیټ کا جوړونې دستګاه، دوه موبایلونه او یوه اندازه نغدې پیسې هم ترلاسه شوي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن