غزني ښار (پژواک، ۲۶ غویی ۱۴۰۲ ): په غزني ولایت کې د ښایسته خان غزنيوال په نوم یوه مدني فعال مېرمن وايي، حکومت د دې خاوند له څلورو ورځو راهیسې نیولی او دوی ته يې د نیول کېدو دلیل نه دی اعلان شوی.
په ورته وخت کې د یاد ولایت مسوولین د ښایسته خان غزنيوال نیول کېدل تاییدوي، خو وايي چې هغه به له پوښتنو ګروېږنو وروسته خوشی شي.
د غزنيوال مېرمن چې نوم يې په ډاګه نه کړ، پژواک خبري اژانس ته د ټيلېفوني اړیکې له لارې وویل: «امنیتي ځواکونو څلور ورځې وړاندې زما خاوند د غزني ښار په درېیم پلان سیمه کې د خپل کور له مخې له ځان سره وړی دی.»
هغه وايي: «نه پوهېږي چې ښایسته خان غزنيوال په څه جرم نیول شوی، چېرې لېږدول شوی او په څه وضعیت کې به وي.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن