<p style="text-align: justify;">کابل (پژواک، ۱۵ غبرګولی ۱۴۰۲): د افغاني سرې میاشتې عمومي ریاست سریلانکا ته د دغې ادارې د سرپرست مولوي مطیعالحق خالص د سفر خبر ورکړی دی.</p>
<p style="text-align: justify;">د افغاني سرې میاشتې عمومي ریاست نن (دوشنبه) په یوه ټويټ کې لیکلي چې نوموړی به په سریلانکا کې د ملي ټولنو سرمشریزې په څو ورځنۍ ناسته کې ګډون وکړي او له ګډونوالو سره به په افغانستان کې بشري ستونزې او اړتیاوې شریکې کړي.</p>
<p style="text-align: justify;">سرچینې زیاته کړې، همداراز په یاده غونډه کې به د بشردوستانه مرستو او اړتیاوو برخه کې د سیمې هېوادونو د لازم لاسنیوي او همغږۍ اړوند خبرې اترې وشي، څو د اړتیا پر مهال له اړو خلکو سره بشردوستانه مرستې وشي.</p>
