«قصر هرات» سوداګریز مارکېټ کې اورلګېدنه؛ له ۳۰۰ ډېر دوکانونه سوځېدلي

<p style="text-align: justify;">[restrict paid="true"]</p>

<p style="text-align: justify;">لومړی تعقیب – هرات (پژواک، ۲۷ غبرګولی ۱۴۰۲): د هرات ځايي مسوولین وايي، په «قصر هرات» سوداګریز مارکېټ کې –چې د دغه ولايت په مرکز کې د جامو پلورلو يو ستر مرکز دی- د رامنځته شوې اورلګېدنې له امله له ۳۰۰ ډېر دوکانونه سوځېدلي دي.</p>

<p style="text-align: justify;">د یاد مارکېټ يوه هټۍوال رفیع‌الله نوري پژواک خبري اژانس ته وويل، اورلګېدنه تېره شپه (د شنبې شپه) ناوخته رامنځته شوه او په ډېر احتمال چې د برېښنا د شارټۍ له امله شوې وي.</p>

<p style="text-align: justify;">د هغه په وینا، په یاد مارکېټ کې میلیونونه افغانۍ پانګونه شوې او حکومت باید د اور کنټرولولو لپاره خپلې هڅې چټکې کړي.</p>

<p style="text-align: justify;"><img class="aligncenter wp-image-544741 " src="https://pajhwok.com/wp-content/uploads/2023/06/347254659_827387408768107_3874360654982119623_n-1024x461.jpg" alt="" width="699" height="315" /></p>

<p style="text-align: justify;">په ورته وخت کې، د هرات د والي ویاند مولوي نثاراحمد الیاس رسنیو ته وویل، په قصر هرات مارکېټ کې دغه اورلګېدنه تېره شپه شاوخوا ۲:۳۰ دقیقې رامنځته شوې ده.</p>

<p style="text-align: justify;">هغه زیاته کړه چې د معلوماتو له مخې، دغه اورلګېدنه د برېښنا د شارټۍ له امله رامنځته شوې چې له بده‌مرغه د ځینو ستونزو له امله یو ساعت وروسته د هرات اطفائیې ته خبر ورکړل شوی دی.</p>

<p style="text-align: justify;">نوموړي وویل، د اوروژنې ټیم د هرات د والي په مشرۍ د ٢٠٧ الفاروق قول‌اردو، هوايي ډګر، امنيې قوماندانۍ، حوزوي روغتون او د ښاروالۍ ادارې په همکارۍ اورلګېدنه تر ډېره بريده کنټرول شوه.</p>

<p style="text-align: justify;"><img class="wp-image-544565 aligncenter" src="https://pajhwok.com/wp-content/uploads/2023/06/آتشسوزی-در-هرات.jpg" alt="" width="698" height="477" /></p>

<p style="text-align: justify;">د هرات د اطلاعاتو او فرهنګ رییس مولانا نعیم‌الحق حقاني پژواک ته وویل چې په  یاده پېښه کې له ۳۰۰ ډېر دوکانونه سوځېدلي دي.</p>

<p style="text-align: justify;">د هغه په وینا، دغه‌راز د اورلګېدنې له امله هټۍوالو ته لسګونه میلیون افغانۍ مالي زیانونه هم اوښتي دي.</p>

<p style="text-align: justify;">خو هغه وویل چې په یاده پېښه کې ځاني زیان نه دی اوښتی.</p>

<p style="text-align: justify;">حقاني وایي، اورلګېدنې لس ساعته دوام درلود چې د اطفایې ریاست شاوخوا سل کارکوونکو داور مهارولو هڅو کې برخه اخیستې ده.</p>

<p style="text-align: justify;">د هغه په وینا، د اطفایې لس کارکوونکي د لوګي له امله مسموم شوي وو چې بیا روغتون ته ولېږدول شول.</p>

<p style="text-align: justify;">د یادونې ده، قصر هرات مارکېټ د هرات ښار مرکز اړوند په چهارسوی او لیلامي کوڅه کې موقعیت لري او په یاده پېښه کې تر اوسه چاته ځاني زیان نه دی رسېدلی، خو درانه مالي زیانونه یې اړولي دي.</p>

<p style="text-align: justify;">[/restrict]</p>