کابل (پژواک، ۱۳ جنګاښ ۱۴۰۲): د لوړو زدهکړو او اوبو او برېښنا وزارتونو ترمنځ د ګډو همکاریو هوکړهلیک لاسلیک شو چې له مخې به یې د دولتي هغو پوهنتونونو محصلینو ته چې د اوبو، برېښنا او انرژۍ په برخو کې تیوريکي زدهکړې کړې، د عملي زدهکړو زمینه برابره شي.
دغه هوکړهلیک نن (سهشنبه) په لوړو زدهکړو وزارت کې د یاد وزارت سرپرست مولوي ندامحمد ندیم او د اوبو او برېښنا وزارت سرپرست ملا عبداللطیف منصور ترمنځ لاسلیک شو.
د لوړو زدهکړو وزارت علمي مرستیال دکتور لطفالله خیرخواه پژواک خبري اژانس ته وویل چې په ټوله کې د دغه هوکړهلیک محتوا څېړنه تشکیلوي.
دی وایي، د دې هوکړې پر اساس به د هېواد د ټولو دولتي هغو پوهنتونونو محصلینو ته چې د اوبو، برېښنا او انرژۍ په برخو کې تیوريکي زدهکړې کړې، د عملي زدهکړو زمینه برابره شي.
هغه زیاتوي، د یادې هوکړې له مخې محصلین کولای شي د اوبو او برېښنا وزارت اړوند پروژو کې د عملي زدهکړو چارې ترسره کړي.
د ده په خبره، د یادې هوکړې پر بنسټ به د لوړو زدهکړو وزارت اړوند د پوهنتون استادان د اوبو او انرژۍ وزارت مسلکي او فني کارکوونکو ته سیمینارونه او ورکشاپونه جوړوي څو د یاد وزارت کارکوونکو ظرفیت لوړ شي.
د سرچینې د معلوماتو له مخې، یاد هوکړهلیک د پنځو کلونو لپاره د اعتبار وړ دی.
غړيYou need to subscribe to view the full article. Please login or register a new account.










