سرپل (پژواک، ۱۹ چنګاښ ۱۴۰۲): د سرپل د کرنې ریاست مسوولین وایي، سږ کال د دغه ولایت په کچه د انګورو په حاصلاتو کې ۴۴ سلنه کموالی راغلی دی.
د سرپل د کرنې، اوبو لګولو او مالدارۍ رییس قاري عبدالقادر وحدت پژواک خبري اژانس ته وویل چې سږ کال د یاد ولایت د انګورو حاصلات ۴۴ سلنه کم شوي چې د تېر کال سړه هوا وه چې ډېر باغونه یې ووهل.
نوموړي وویل: «تېر کال سرپل کې ۱۲۳۷۶۰ مټریک ټنه انګور ترلاسه شوي وو، خو سږ کال د دغو انګورو حاصلات ۷۰۰۰۰ مټریک ټنه اټکل شوي چې دا ۴۴ سلنه کموالی ښیي.»
د سرپل د کرنې رییس وویل، له بده مرغه د انګورو حاصلاتو له کمېدو سره بڼوال هم له ډېرو زیانونو سره مخ شوي او یاد ریاست دغه موضوع د کرنې له وزارت سره شریکه کړې ده.
د هغه په خبره، سرپل کې ۷۷۳۵ هکټاره د انګورو باغونه دي او د دغه ولایت زرګونه اوسېدونکي له همدې لارې د خپل ژوند لګښتونه برابروي.
غړيYou need to subscribe to view the full article. Please login or register a new account.
