سرپل کې په یوه کور کې پټ شوي دوه هاموې موټر کشف او ترلاسه شوي

کابل (پژواک، ۲۱ چنګاښ ۱۴۰۲): کورنيو چارو وزارت وايي، پوليسو سرپل کې دوه هاموې ټانکونه او  یو ټېلر یې چې په یوه کور کې ځای پر ځای شوي وو- کشف او ترلاسه کړي دي.

د کورنيو چارو وزارت ویاند مفتي عبدالمتین قانع وایي، ياد وسايط د سرپل امنیې قوماندانۍ له ترهګرۍ سره د مبارزې پولیسو د یاد ولایت د کوهستانات ولسوالۍ اړوند په الرکچن کلي کې موندلي او ضبط کړي دي.

قانع په دې اړه چې د یادو موټرو د پټ ساتلو په تړاو څوک نیول شوي او که نه، څه نه دي ویلي.