متقي په قطر کې د ځینو هېوادونو له سفیرانو سره پر سیاسي او اقتصادي موضوعاتو خبرې وکړې

<p style="text-align: justify;">[restrict paid="true"]</p>

<p style="text-align: justify;">اټلانټا (پژواک، ۱۰ زمری ۱۴۰۲): د بهرنیو چارو وزارت سرپرست مولوي امیرخان متقي په مشرۍ پلاوي په قطر کې د افغانستان لپاره د ځینو هېوادونو له سفیرانو او ځانګړو استازو سره وکتل.</p>

<p style="text-align: justify;">د بهرنیو چارو وزارت له خوا په خپره شوې خبرپاڼه کې راغلي، په دې کتنه کې د امریکا، برېتانیا، هسپانیا، سوېلي کوریا، هالنډ، ایټالیا، اسټرالیا او کاناډا هېوادونو استازو ګډون کړی و.</p>

<p style="text-align: justify;">امیرخان متقي په سیاسي، اقتصادي، امنیتي، ښې حکومتولۍ، له نشه‌يي توکو سره د مبارزې، د سلګونو پروژو پيلېدو او نورو برخو کې د افغان حکومت هر اړخیزو لاسته راوړنو او پرمختګونو په اړه تفصیلي معلومات ورکړل.</p>

<p style="text-align: justify;">په غونډه کې د افغانستان مالیې وزارت د خزاینو عمومي رییس نصرت‌الله محمود د افغانستان مالي او اقتصادي وضعیت په اړه د واقعیتونو او ارقامو په رڼا کې معلومات وړاندې کړل او همدارنګه د افغانستان بانک عملیاتي بازار عمومي رییس محمدعباس سامح هم ګډونوالو ته د افغانستان په بانکي سکټور کې د روڼتيا، پرمختګونو او میکانیزمونو په اړه معلومات ورکړل.</p>

<p style="text-align: justify;">د بهرنيو چارو وزارت سرپرست او ورسره پلاوي د مختلفو هېوادونو سفیرانو پوښتنو او اندېښنو ته په تفصیل سره ځواب ووایه او زیاته یې کړه چې دغه نماینده‌ګۍ د دې پر ځای چې له لرې د افغانستان لپاره خپل ماموریت پر مخ یوسي، باید په افغانستان کې شتون ولري او د افغانستان اوسني واقعیتونه له نږدې وګوري.‌</p>

<p style="text-align: justify;">د غونډې ګډونوالو د ورته ناستو پر دوام او له افغانستان سره پر تعامل او ښکېلتیا ټینګار وکړ.</p>

<p style="text-align: justify;">[/restrict]</p>