ازبکستاني پلاوي د افغانستان لوړو زده‌کړو له وزارت سره په ځینو برخو کې د همکارۍ ژمنه کړې

[restrict paid="true"]

<p style="text-align: justify;">اټلانټا (پژواک، ۶ وږی ۱۴۰۲): د لوړو زده‌کړو وزارت له ازبکستانه د اوسپنې پټلۍ او ترانسپورټ اړوند نورو برخو کې د تخصصي پروګرامونو جوړولو او په دې برخو کې د همکاریو غوښتنه وکړه.</p>

<p style="text-align: justify;">د لوړو زده‌کړو وزارت له خوا په خپره شوې یوه خبرپاڼه کې راغلي، د دغه وزارت علمي مرستیال ډاکټر لطف‌الله خيرخواه د ازبکستان لوړو زده‌کړو وزارت نړۍوالو اړیکو برخې له مرستیال محمدعزیز حکیم‌اوف او مل پلاوي سره وکتل.</p>

<p style="text-align: justify;">سرچینې زیاته کړې، خیرخواه په دې کتنه کې له افغانستان سره په تحصیلي برخو کې د ازبکستان د ترسره کړو همکاريو ستاينه وکړه.</p>

<p style="text-align: justify;">د لوړو زده‌کړو وزارت علمي مرستيال له نوموړي د افغانستان په تحصیلي بنسټونو کې د ازبکي ډيپارټمنټونو د ملاتړ، د اوسپنې پټلۍ په برخه کې د ګډې ماسټرۍ او دوکتورا او همدارنګه د ټرانسپورټېشن اړوند د سړک او پل جوړونې تخصصي برنامو رامنځته کولو او په دې برخو کې د همکاریو غوښتنه وکړه.</p>

<p style="text-align: justify;">په همدې حال کې ازبکستاني پلاوي په دې کتنه کې وويل چې د افغانستان تحصیلي او تعلیمي پرمختګ لپاره هر ډول همکاریو ته ژمن دي او په تحصیلي برخو کې به د اړتیاوو پوره کولو هڅې وکړي.</p>

<p style="text-align: justify;">په خبرپاڼه کې راغلي، د دواړ لورو ترمنځ افغان محصلینو ته د بورسونو د ورکړې په اړه هم خبرې وشوې چې د څرنګوالي او امتیازاتو له مهلومولو وروسته به پرې هوکړه وشي.</p>

<p style="text-align: justify;">د یادونې ده، د بېلابېلو دولتي ادارو او وزارتونو د استازو په ګډون د ازبکستان ډېرش کسیز پلاوی دا مهال د افغانستان په سفر بوخت دی.</p>

[/restrict]