کابل (پژواک، ۱۴ وږی ۱۴۰۲): د بهرنیو چارو وزارت سرپرست امیرخان متقي د مالیزیا بهرنیو چارو وزارت له ځانګړي استازي سره په لیدنه کې ویلي، افغانستان کې د دواړو هېوادونو د سوداګرو لپاره د پانګونې او سفر ښه فرصتونه شته چې باید ګټه ترې واخیستل شي.
د بهرنیو چارو وزارت ویاند حافظ ضیااحمد تکل په اېکسپانه کې د یوه پیغام په خپرولو سره د مالیزیا بهرنیو چارو وزارت له ځانګړي استازي احمداعظم عبدالرحمن سره د افغانستان بهرنیو چارو وزارت سرپرست مولوي امیرخان متقي له لیدنې خبر ورکړی دی.
د افغانستان بهرنیو چارو وزارت سرپرست په دې لیدنه کې له احمداعظم څخه غوښتي څو د دواړو هېوادونو د اړیکو د پرمختګ لپاره رغنده رول ولوبوي.
سرچینې ویلي چې یاده لیدنه کې احمداعظم د افغانستان له اوسني امنیتي وضعیته خوښي څرګنده کړې ده.
سرچینه وايي، احمداعظم هم د دواړو هېوادونو ترمنځ د اړیکو د پراختیا غوښتونکی شو.
دغهراز، متقي ویلي، افغانستان کې د دواړو هېوادونو د سوداګرو لپاره د سفر او پانګونې ښه فرصتونه شته چې باید ګټه ترې واخېستل شي.
دواړو خواوو دغهراز د اړیکو پر پراختیا او د همکاریو پر پیاوړتیا ټینګار کړی دی.
غړيYou need to subscribe to view the full article. Please login or register a new account.
