منځپانګې ته تلل
جمعه ۲۰ نومبر ۲۰۲۶ · کابل ۵:۲۰ غ.و
۱۰°نیمه ورېځ · ↑۱۵° ↓۳°د هوا کیفیت: منځنی
غړي

۱۰۰ افغان کډوال د پاکستان له زندانونو ازاد شول

· ۱ دقیقه لوستل · ۲۴۳ کتنې

کابل (پژواک، ۱۷ تله ۱۴۰۲): د پاکستان په کراچۍ ښار کې د افغانستان قونسلګري د سند ایالت له زندانونو د ۳۶ ماشومانو په ګډون د ۱۰۰ افغان کډوالو د ازادېدو خبر ورکړی دی.

یادې قنسلګرۍ نن د یوې ویډیو په خپرولو سره ویلي: «نن دوشنبه د تلې ۱۷مه په کراچۍ کې د افغانستان د قونسلګرۍ او سفارت په هڅو د سند ایالت له بېلابېلو زندانونو د ۳۶ ماشومانو په ګډون ۱۰۰ افغان زندانیان ازاد او د چمن له لارې هېواد ته ولېږدول شول.»

د سرچينې د معلوماتو پر بنسټ، له دې مخکې د ماشومانو، ښځو او نارينه‌وو په ګډون ٢٦٧٠ افغان کډوال د دغه هېواد له زندانونو ازاد او افغانستان ته لېږدول شوي وو.

سرچينې زیاته کړې چې هېواد ته د دغو کسانو د لېږد لګښت د افغانستان سفارت له لوري ورکړل شوی دی.

په دې وېډیو کې د پاکستان له حکومته غوښتل شوي چې هغه افغانان چې د اوسېدو قانوني اسناد لري، ونه ځوروي او هغو افغانانو ته چې اسناد نه لري فرصت ورکړي څو وکولای شي خپل هېواد ته ستانه شي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه