فراه کې د تاریخي اثارو غیرقانوني پلټنې په تور پنځه کسان نیول شوي

<p style="text-align: justify;">فراه (پژواک، ۱۱ لړم ۱۴۰۲): د فراه امنیتي مسوولین وايي، نن د دغه ولایت په شيب کوه ولسوالۍ کې پنځه کسان په بېلابېلو سیمو کې د تاريخي اثارو د غیرقانوني پلټنو په تور ونیول شول.</p>

<p style="text-align: justify;">دا څرګندونې په هغه خبرپانه کې شوې دي چې امنیه قوماندانۍ رسنیو ته لېږلې ده.</p>

<p style="text-align: justify;">د فراه د امنيې قوماندانۍ پژواک خبري اژانس ته په رالېږلې خبرپاڼه کې ویلي چې دغه کسان له ډېر وخته د امنیتي ځواکونو تر تعقیب لاندې وو.</p>

<p style="text-align: justify;">سرچینې ویلي چې دغو کسانو د فراه په مرکز او ولسوالیو کې په غیرقانوني توګه تاریخي اثارو او کانونو پسې پلټنې کولې.</p>

<p style="text-align: justify;">په خبرپاڼه کې ویل شوي چې له یادو کسانو سره د تاریخي اثارو یوه دستګاه هم نیول شوې ده.</p>