<p style="text-align: justify;">پاراخ (پژواک، ۵ مرغومی ۱۴۰۲): د پنجشېر د پوهنې رياست د دغه ولايت د مرکز او ولسواليو ښوونځيو ته له لومړي تر دوولسم ټولګي پورې د څه باندې ۱۱۵ زره ټوکه درسي کتابونو د وېش خبر ورکوي.</p>
<p style="text-align: justify;">د پنجشېر د پوهنې رييس حبيبالله نوري پژواک خبري اژانس ته وويل چې په دغو کتابونو کې پنځوس بېلابېل مضمونونه شامل دي.</p>
<p style="text-align: justify;">هغه څرګنده کړه چې د دغو کتابونو په وېشلو سره د پنجشېر په ښوونځيو کې د درسي کتابونو د کمښت ستونزه هواره شوې ده.</p>
<p style="text-align: justify;">هغه د جزئياتو له ورکولو پرته وويل چې په نوو کتابونو کې ځيني عنوانونه د اسلامي امارت د چارواکو له لوري د اړتيا له مخې بدل شوي او د ځوانانو لپاره ګټور موضوعات پهکې شامل شوي دي.</p>
<p style="text-align: justify;">هغه وویل چې له دې مخکې هم سږ کال د دغه ولايت ښوونځيو ته څه باندې سل زره توکه کتابونه وېشل شوي وو.</p>
<p style="text-align: justify;">دا په داسې حال کې ده چې د هېواد د یو شمېر ولایتونو په ښوونځیو کې هم د درسي کتابونو د کمښت راپورونه خپاره شوي دي.</p>
