پاکستاني رسنۍ: د کندهار د والي په مشرۍ یو پلاوی اسلام‌اباد ته رسېدلی

[restrict paid="true"] 

اټلانټا (پژواک، ۱۳ مرغومی ۱۴۰۲): پاکستاني رسنیو خبر ورکړی چې د کندهار د والي ملا شېرین په مشرۍ د افغانستان اسلامي امارت یو پلاوی اسلام‌اباد ته رسېدلی دی.

د پاکستان جیو ټلوېزیون په ګډون یو شمېر رسنیو د مرغومي په ۱۲مه خبر ورکړی چې دغه پلاوی د سه شنبې په ورځ اسلام‌اباد ته رسېدلی دی.

سرچینې زیاته کړې، په یاد پلاوي کې چې د کندهار والي ملا شېرین یې مشري کوي، د دفاع، اطلاعات او فرهنګ وزارتونو او استخباراتو لوی ریاست استازي شامل دي.

د راپور له مخې، افغان پلاوی به له پاکستاني چارواکو سره پر بېلابېلو موضوعاتو خبرې وکړي.

د افغانستان اسلامي امارت ویاند او یا د بهرنیو چارو وزارت تر اوسه په دې اړه څه نه دي ویلي.

[/restrict]