[restrict paid="true"]
<p style="text-align: justify;">کابل (پژواک، ۴ سلواغه ۱۴۰۲): د کورنیو چارو وزارت وایي، سرحدي ځواکونو د کابل نړۍوال هوایي ډګر کې دوه ممنوعالخروج او څلور نور کسان چې غوښتل یې په جعلي پاسپورټونو بهر ته سفر وکړي، نیولي دي.</p>
<p style="text-align: justify;">دغه وزارت د سلواغې په ۴مه خپره کړې یوه خبرپاڼه کې ویلي، له نیول شوو څلور کسانو درې کسانو غوښتل په جعلي پاسپورټونو متحده عربي اماراتو ته ولاړ شي او څلورم کس د جرمني په جعلي پاسپورټ له ایرانه افغانستان ته راغلی و.</p>
<p style="text-align: justify;">په خبرپاڼه کې راغلي، دغه راز سرحدي ځواکونو په کابل نړۍوال هوایي ډګر کې دوه نور کسان چې بهر ته یې پر سفر بندیز دی هم نیولي دي.</p>
<p style="text-align: justify;">[/restrict]</p>
