فیضاباد (پژواک، ۲۷ کب ۱۴۰۲): بدخشان کې سیمهییز مسوولین وايي، د دغه ولایت په کوهستان ولسوالۍ کې د زرمینځلو یوې کارګاه نړېدو له امله دوه کسان مړه شوي دي.
د بدخشان د اطلاعاتو او فرهنګ آمر حکمتالله محمدي پژواک خبري اژانس ته وویل، پرون وروسته له غرمې شاوخوا ۳ بجې د کوهستان ولسوالۍ په وخنده سیمه کې دوه کارګر د زرمینځلو یوې کارګاه نړېدو له امله مړه شوي دي.
هغه زیاتوي، یاده پېښه هغه وخت رامنځته شوه چې دغه کارګران د سروزرو په استخراج بوخت وو او د کارګاه چت پرې لوېدلی، تر خاورې لاندې شوي او خپل ژوند یې له لاسه ورکړی دی.
هغه وویل، د یادو کارګرو مړي د خلکو له لورې له خاورو را ایستل شوي دي.
هغه دغهراز وویل، پرون په دغه ولسوالۍ کې یوه بله ورته پېښه هم شوې خو له امله یې مالي او ځاني زیان نه دی اوښتی.
