بلخ کې یوه اندازه چاودیدونکي توکي کشف او ترلاسه شوي

<p style="text-align: justify;"><strong> </strong>مزارشریف (پژواک، ۷ غبرګولی ۱۴۰۳): د بلخ امنیه قومانداني وایي، د دغه ولایت په دهدادي ولسوالۍ کې یې یوه اندازه چاودېدونکي توکي کشف او ترلاسه کړي او په تړاو یې دوه کسان هم نیول شوي دي.</p>

<p style="text-align: justify;">د بلخ امنیه قوماندانۍ له لوري پژواک ته  په استول شوې خبرپاڼه کې راغلي چې تېره شپه امنیتي ځواکونو د بلخ په دهدادي ولسوالۍ کې د یو لړ کشفي او استخباراتي عملیاتو په ترڅ کې ۴ کړۍ ماینونه او ۲۰ د پیکا مرمۍ کشف او ترلاسه کړې دي.</p>

<p style="text-align: justify;">خبرپاڼه زیاتوي، د یادو چاودېدونکي توکو په تړاو دوه کسان نیول شوي خو نور یې تښتېدلی دي.</p>

<p style="text-align: justify;">خبرپاڼه دغه‌راز وایي چې تښتېدلي کسان د امنیتي ځواکو تر تعقیب لاندې دي او ژر به ونیول شي.</p>