لوګر کې د دوو ښوونځيو رغولو چارې پیل شوې

<p style="text-align: justify;">کابل (پژواک، ۷ غبرګولی ۱۴۰۳): د پوهنې وزارت وايي چې د لوګر په مرکز پل‌علم ښار کې د شلوک او ملک شېراحمد کوچي ښوونځیو د بیارغونې چارې د څه باندې ۱۰ میلیون افغانیو په لګښت پیل شوې.</p>

<p style="text-align: justify;">د پوهنې وزارت نن پر خپله <a href="https://x.com/MoEAfghanistan1/status/1795046909570101725">اېکس</a>‌پاڼه لیکلي چې د ښوونځيو په یادو پروژو کې احاطوي دېوالونه، د څښاک پاکو اوبو څاګانو کیندل، د اوبو رسولو شبکې غځول، د لمریزې برېښنا سیستم نصبول او نور اړین ملحقات شامل دي.</p>

<p style="text-align: justify;">سرچینې زیاته کړې، د دغو ښوونځیو پر رغولو په ټولیز ډول څه باندې ۱۰ ميليون افغانۍ لکښت راځي چې د يوه مرستندوی بنسټ له لوري ورکول کېږي.</p>

<p style="text-align: justify;">د یاد وزارت معلوماتو له مخې، څه موده مخکې هم د یاد بنسټ له خوا په محمداغه، ازرې او بره‌کي برک ولسواليو کې د ۷ ښوونځيو ودانۍ له بیارغونې وروسته ګټې اخيستنې ته وسپارل شوې.</p>