په بادغیس کې ناپېژانده وسله‌والو یو قومي مشر وژلی

<p style="text-align: justify;">قلعۀنو (پژواک، ۶ زمری ۱۴۰۳): د بادغیس ځایي مسوولین وایي چې د دغه ولایت په قادس ولسوالۍ کې د ناپېژاندو وسله‌والو له خوا یو قومي مشر وژل شوی او په دې تړاو یو کس نیول شوی دی.</p>

<p style="text-align: justify;">د سیمې یوه اوسېدونکي د نوم نه اخیستلو په شرط پژواک خبري اژانس ته وویل چې دا پېښه نن د قادس ولسوالۍ په خیرخانه سیمه کې شوې ده.</p>

<p style="text-align: justify;">هغه زیاته کړه چې یاد کس د خپل کور پر لور روان چې وسله‌والو پرې ډزې کړې او وژلی یې دی.</p>

<p style="text-align: justify;">د بادغیس د امنیې قوماندانۍ ویاند صدیق‌الله صدیقي دغه پېښه تاییدوي او وایي چې په دې تړاو یو کس نیول شوی دی.</p>