<p style="text-align: justify;">قلعهنو (پژواک، ۵ وږی ۱۴۰۳): د بادغیس امنیه قومانداني وايي چې د دغه ولایت په درهبام ولسوالۍ کې د یوې ترافیکي پېښې له امله یوه ښځه مړه او یوه بله ټپي شوې ده.</p>
<p style="text-align: justify;">د بادغیس د امنیې قوماندانۍ ویاند صدیقالله صدیقي د یوې خبرپاڼې په خپرولو ویلي چې تېره شپه شاوخوا لس بجې یو «اکوا» موټر د درهبام ولسوالۍ په پلکهنه سیمه کې له سړکه وتلی او چپه شوی دی.</p>
<p style="text-align: justify;">سرچینې وویل چې په دې پېښه کې یوه ښځه مړه او یوه بله ښځه ټپي شوې ده.</p>
<p style="text-align: justify;">هغه د پېښې رامنځته کېدو لامل د لارې خرابوالی بللی دی<strong>.</strong></p>
