کابل (پژواک، ۲۷ وږی ۱۴۰۳): د فوټسال نړۍوال جام سیالیو په لړ کې د افغانستان د فوټسال ملي لوبډله سبا خپله دویمه لوبه له ارجنټاین سره ترسره کوي.
د افغانستان د فوټبال فدراسیون نن پر خپله فېسبوکپاڼه لیکلي چې د هېواد د فوټسال ملي لوبډله سبا ماښام اووه نیمې بجې له ارجنټاین سره لوبه ترسره کوي.
د ۲۰۲۴ کال د فوټسال نړۍوال جام سیالۍ د ازبکستان په کوربهتوب روانې دي چې په دغو سیالیو کې افغانستان له ارجنټاین، اوکراین او انګولا سره په یوه ګروپ کې لوبېږي.
د یادونې ده، د افغانستان د فوټسال ملي لوبډلې په خپله لومړۍ لوبه کې انګولا ته ماته ورکړې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن