<p style="text-align: justify;">زرنج (پژواک، ۸ لېندۍ ۱۴۰۳): نیمروز کې ځايي مسوولین خبر ورکوي چې د دغه ولایت په زندان کې «د سولري برېښنا سیستم برخه کې د زدهکړې درې میاشتنی روزنیز پروګرام پیل شو.</p>
<p style="text-align: justify;">د نیمروز د تخنیکي او مسلکي زدهکړو امر مولوي نظیفالله عثماني د یاد روزنیز پروګرام د پرانیستې مراسمو کې وویل، په دې درې میاشتني کورس کې ۳۳ زندانیانو ته د مسلکي ښوونکي له لوري د «سولري برېښنا سیستم» برخه کې زدهکړې ورکول کېږي.</p>
<p style="text-align: justify;">نوموړي د یاد ښوونیز کورس پیلولو هدف د زندانیانو لپاره د کاري فرصتونو رامنځته کول وباله.</p>
<p style="text-align: justify;">د نیمروز ولایت مقام مرستیال سید سلیمان اغا بهیر چې په دغه پروګرام کې یې ګډون کړی و، زندان یې د اصلاح، ندامت او له جرمه د پښېمانۍ ځای وباله او له زندانیانو یې وغوښتل څو له دغه روزنیز پروګرامه په ښه توګه ګټه پورته کړي.</p>
