په میدان‌وردګو کې یوه کس ته تعزیري سزا ورکړل شوه

میدان‌ښار (پژواک، ۱۵ لېندۍ ۱۴۰۳): ستره محکمه وایي، په میدان‌وردګو ولایت کې یوه کس ته په عام محضر کې تعزیري سزا ورکړل شوه.

د سترې محکمې په خبرپاڼه کې راغلي چې د میدان‌وردګ ولایت د جلریز ولسوالۍ د ابتدائیه محکمې د پرېکړې پر اساس یو تن ته چې پر غلا متهم و، په عام محضر کې تعزیري سزا ورکړل شوه.

سرچینې لیکلي، ابتدائيه محکمې یاد متهم پر درې کاله تنفیذي بند او ۳۲ دُرو تعزیري سزا محکوم کړی و.