ایبک (پژواک، ۱۹ سلواغه ۱۴۰۳): سمنګان کې سیمهییز مسوولین وايي چې د دغه ولایت د مرکز ایبک - مزارشریف پر لویه لار د ترافیکي پېښې له امله درېیو کسانو ژوند له لاسه ورکړی او ۱۱ نور ټپیان شوي دي.
د سمنګان د امنيې قوماندانۍ وياند حشمتالله رحماني پژواک خبري اژانس ته وويل چې نن سهار د ايبک -مزارشريف پر لويه لار د حضرت سلطان ولسوالۍ مربوطاتو کې یوه ٥٨٠ مسافر وړونکي او ټونس موټرو ټکر کړی دی.
هغه وايي چې په دې پېښه کې درېیو کسانو ژوند له لاسه ورکړی او د ښځو او ماشومانو په ګډون لږ تر لږه ١١ نور ټپيان شوي دي.
د هغه په خبره، ټپيان د درملنې په موخه د سمنګان ولايتي روغتون ته لېږدول شوي دي.
د سمنګان د ترافيکو مديريت د دې پېښې لامل د موټرچلوونکو بېاحتياطي بللې ده.
GET IN TOUCH
NEWSLETTER
SUGGEST A STORY
PAJHWOK MOBILE APP