جلالاباد (پژواک، ۹ غویی ۱۴۰۴) ستره محکمه وایي چې په ننګرهار ولایت کې د یوې ښځې په ګډون دوو کسانو ته تعزیري سزا ورکړل شوه.
د سترې محکمې په خبرپاڼه کې راغلي چې د ننګرهار ولايت د ده بالا ولسوالۍ ابتدائیه محکمې د پرېکړې له مخې، د يوې ښځې په ګډون دوو کسانو ته د نامشروع اړيکو په جرم تعزیري سزا ورکړل شوه.
خبرپاڼه کې راغلي، ابتدائیه محکمې یاد مجرمين پر ۳۹ـ ۳۹ دُرو تعزیري سزا محکوم کړي وو.
د سرچينې د معلوماتو له مخې، یاده پرېکړه د سترې محکمې د عالي مقام له تائيد وروسته تطبيق شوه.
