میمنه (پژواک، ۲۷ غویی ۱۴۰۴): د فاریاب امنیه قومانداني وايي چې د دغه ولایت په خواجهسبزپوش ولسوالۍ کې یو ۶۰ کلن سړی د خپل لمسي له خوا په ډزو وژل شوی دی.
د فاریاب امنیې قوماندانۍ مطبوعاتي مسوول مولوي عبدالله مرادي پژواک خبري اژانس ته وویل: «د امانالله په نوم یو کس چې ۶۰ کلن و، پرون په خواجهسبزپوش ولسوالۍ کې د خپل لمسي منهاجالدین له لوري په خپل دوکان کې د تومانچې په ډزو وژل شوی دی.»
هغه د یاد قتل انګېزه کورنی تاوتریخوالی یاد کړ.
نوموړي زیاته کړه: «قاتل له سیمې تښتېدلی و، خو د امنیې قوماندانۍ د پرسونل په هڅو په یوه باغ کې له تومانچې سره ونیول شو.»
د سرچینې په وینا، د نیول شوي کس دوسیه به له لومړنیو څېړنو وروسته عدلي او قضايي بنسټونو ته وسپارل شي.
