<p style="text-align: justify;">کابل (پژواک، ۲۶ غبرګولی ۱۴۰۴): د راپورونو له مخې، یرکین توکوموف د افغانستان په چارو کې د قزاقستان د ځانګړي استازي په توګه ټاکل شوی دی.</p>
<p style="text-align: justify;">کازینفورم اژانس <a href="https://qazinform.com/news/kazakhstan-names-its-special-representative-for-afghanistan-206837"><strong>راپور</strong></a> ورکړی چې یرکین توکوموف د قزاقستان د ولسمشر له لوري پر دغه مقام ټاکل شوی دی.</p>
<p style="text-align: justify;">د ویلو ده چې یرکین توکوموف له دې مخکې د قزاقستان د ستراتیژیکو مطالعاتو مرکز د رییس په توګه دنده ترسره کړې.</p>
<p style="text-align: justify;">نوموړي سږ کال د وري په میاشت کې هغه مهال چې د قزاقستان د ستراتیژیکو مطالعاتو مرکز مشري یې پر غاړه وه، کابل ته سفر هم کړی و.</p>
<p style="text-align: justify;">توکوموف له ۲۰۲۲ کال راهیسې د قزاقستان د جمهوري ریاست تر چتر لاندې د قزاقستان د ستراتیژیکو څیړنو موسسې مشري په غاړه درلوده.</p>
