<p style="text-align: justify;">کابل (پژواک، ۱۸ غویی ۱۴۰۵): د مکسیکو چارواکو ویلي چې د دغه هېواد په سوېلختیځ کې د تاباسکو ایالت د مرکز ویاهرموسا ښار په یوه نندارتون کې د پراخې اورلګېدنې له امله لږ تر لږه پنځه کسان مړه شوي دي.</p>
<p style="text-align: justify;">رویټرز راپور ورکړی چې دغه اورلګېدنه د پنجشنبې په سهار هغه مهال رامنځته شوې چې د موسیقۍ یو کنسرت روان و او زرګونه کسانو پکې ګډون درلود.</p>
<p style="text-align: justify;">په رسنیو او ټولنیزو شبکو کې خپاره شوي انځورونه ښيي چې لسګونه کسان داسې مهال له سیمې تښتېدل چې تور لوګي د سیمې اسمان پوښلی و.</p>
<p style="text-align: justify;">د تاباسکو ایالت والي خاویر مای د قربانیانو له کورنیو سره د خواخوږۍ څرګندولو ترڅنګ ویلي چې ځیني مړه شوي کسان د نندارتون غرفهلرونکي وو چې ونه توانېدل پر وخت سیمه پرېږدي.</p>
<p style="text-align: justify;">هغه همداراز ویلي چې د پېښې د علت معلومولو لپاره څېړنې پیل شوې او زیانمنو سوداګرو او کاروبارونو ته د اقتصادي مرستو پلان هم تر لاس لاندې نیول شوی دی.</p>
