د افغانستان د کرکټ ملي لوبډله د اتلانو جام (چمپینز ټرافي) لوبو ته د چمتووالي په موخه نن د پاکستان له الف (شاهین لوبډلې) سره تمریناتي لوبه کوي.

سیمه‌ییز مسوولین وايي، تېره شپه د میدان‌وردګو په سیداباد ولسوالۍ کې د یوې ترافیکي پېښې له امله څلورو کسانو ژوند له لاسه وکړی او لس نور ټپیان شوي دي.

سږ کال پروان کې د ۲۰۰ نوو جوړو شوو دیني مدرسو له ډلې، د دغه ولایت د بګرام ولسوالۍ په خانقاه کلي کې خلکو په خپل شخصي لګښت یوې دیني مدرسې ته د ودانۍ جوړولو چارې پیل کړې دي.

د افغانستان اسلامی امارت د غزې په اړه د امریکا د ولسمشر وروستیو څرګندونو ته په غبرګون کې ویلي چې غزه د فلسطین خاوره ده او بل هېڅوک یې د برخلیک په اړه پرېکړه نشي کولای.

د ننګرهار ولايت د کرنې او مالدارۍ رياست وايي، د دغه ولایت په پنځو ولسواليو کې يې ۶۸ کروندګرو ته د چارمغزو (غوزانو) ځنګلونه جوړ کړي دي.

د غزني د پوهنې ریاست مسوولین وایي چې د دغه ولایت په مرکز او ولسوالیو کې د یاد ریاست اړوند د ښوونکو او اداري کارکوونکو د ګومارنې په موخه د ښځو په ګډون له سلګونو کسانو ازموینه واخیستل شوه.

د بلخ ځایي مسوولین وایي چې د تېرو درېیو میاشتو په موده کې یې د دغه ولایت له مرکز مزارشریف ښار او ولسوالیو ۶۸۴ سوالګر راټول کړي چې ډېری یې حرفوي پېژندل شوي دي.

د ملګرو ملتونو د ځانګړي استازي مرستیال د کډوالو چارو وزارت له سرپرست سره په لیدنه کې ویلي چې دوی به له افغان کډوالو سره د پاکو اوبو برابرولو، روغتیا، زده‌کړو او سرپناه برخو کې خپلو مرستو ته دوام ورکړي.

د کډوالو او راستنېدونکو چارو وزارت سرپرست وايي چې اسلامي امارت د افغانستان د پرمختګ پر وړاندې خنډونه له منځه وړي او نړۍ هم درک کړې چې اوسنی نظام د افغانانو ښه استازولي کولای شي.

د کونړ د کانونو او پټرولیم ریاست وايي، چې په دغه ولایت کې د ٩٢،٥ ميليونه افغانیو په ارزښت ١٢،٩١١ کیلوګرامه د بېروج ګران‌بیه ډبرې د ازادې سیالۍ له لارې وپلورل شوې.

د لوګر ولایت د اطلاعاتو او فرهنګ ریاست وایي چې د اطلاعاتو او فرهنګ وزارت د حکم له مخې، هېڅوک نه شي کولای د اسلامي او افغاني ارزښتونو خلاف کتابونه چاپ او وپلوري.

د غزني ښاروالي وایي، ۲۵ ټُنه تاريخ تېر خوراکي او غیرخوراکي توکي چې په تېرو درېیو میاشتو کې یې د دغه ولایت په مرکز کې له یو شمېر هټيو را ټول کړي وو، وسوځول.